Guðmundur: „Logi á hrós skilið“

Guðmundur Guðmundsson mbl.is/Kristinn

Eftir Ívar Benediktsson, iben@mbl.is

„Við notuðum Loga Geirsson ekki mikið að þessu sinni. Það þróaðist einhvern veginn þannig þegar á mótið leið, en var ekkert sem beinlínis var meðvitað fyrirfram,“ sagði Guðmundur Þórður Guðmundsson í samtali við Morgunblaðið í gær og er birt á miðopnu íþróttablaðsins í dag. Þar gerir Guðmundur Þórður mótið upp. Hann vill lítið gefa út um ástæður þess að Logi fór með og var síðan aðeins látinn leika í rúmlega þrjár og hálfa mínútu þegar á hólminn var komið.

„Arnór Atlason leikur sömu stöðu og Logi með landsliðinu. Arnór spilaði frábærlega á EM og síðan stóð Aron Pálmarsson sig mjög vel þegar hann fékk að spreyta sig. Þar með fékk Logi hlutverk sem hann hefur ekki áður verið í hjá landsliðinu. Loga til hróss stóð hann sig frábærlega í þessu hlutverki og kemur mjög sterkur frá þessari keppni, að mínu mati, á hrós skilið fyrir hvernig hann sinnti sínu hlutverki og þeirri stöðu sem kom upp í mótinu,“ segir Guðmundur.

Ítarlegt viðtal við Guðmund er í Morgunblaðinu í dag.