H.C. Andersen hefði ekki skrifað betra ævintýri

Lasse Svan Hansen fagnar marki gegn Svíum. Reuters

„H.C. Andersen sjálfur hefði ekki getað skrifað betra ævintýri,“ segir í umsögn á vefsíðu dönsku sjónvarpsstöðvarinnar TV2 um þá staðreynd að Danir leika í undanúrslitum Evrópumótsins í handknattleik.

Danir þurftu að stóla á að Pólverjar færu með sigur af hólmi gegn Þjóðverjum og þeir sjálfir legðu Svía að velli og það gekk eftir.

Það blés ekki byrlega fyrir Dönum í fyrstu leikjum milliriðilsins. Þeir byrjuðu á því að tapa fyrir Serbum og Pólverjum en með því að leggja Þjóðverja og Svía að velli auk hagstæðra úrslita í öðrum leikjum fór svo að lokum að Danir náðu öðru sætinu og mæta Spánverjum í undanúrslitum en í hinni viðureigninni eigast við Króatar og Serbar.