Mikkel Hansen mikilvægastur - Landin bestur

Niklas Landin var valinn bestur hjá Dönum. Reuters

Mikkel Hansen, leikmaður Dana, var valinn mikilvægasti leikmaður úrslitaleiksins á Evrópumótinu í handknattleik karla þegar liðið vann heimamenn í Serbíu 21:19. Hansen fór hreinlega á kostum og skoraði 9 mörk og var sá sem dönsku leikmennirnir leituðu nær eingöngu til í sókninni.

Hansen brást ekki sínu liði en hann er aðeins 24 ára gamall og spilar með AG Köbenhavn í dönsku úrvalsdeildinni.

Niklas Landin sem varði tæp 20 skot og þar af eitt vítakast var valinn besti maður Dana. Kollegi hans í markinu hjá Serbum Darko Stanic stóð sig einnig mjög vel og var valinn besti maður Serbíu.  

Mikkel Hansen var valinn mikilvægasti leikmaður úrslitaleiksins og átti hann það svo sannarlega skilið. Reuters

Darko Stanic þótti standa sig best í liði Serba og er erfitt að mótmæla því vali. Hann varði vel, þá ... Reuters