Silvio Berlusconi forseti ítalska knattspyrnuliðsins AC Milan segir í viðtali við ítalska fjölmiðla í dag að Úkraínumaðurinn Andriy Shevchenko vilji koma aftur til félagsins en hann var seldur til Chelsea í sumar fyrir 3,5 milljarða króna. Shevchenko hefur ekki gengið sem best í búningi Englandsmeistaranna. Honum tókst þó að skora gegn Watford í gær og hefur skorað 5 mörk fyrir félagið í 15 leikjum.