Mourinho leggur traust sitt á Drogba

Markið í uppsiglingu á Stamford Bridge þar sem Didier Drogba náði að spóla sig framhjá Daniel Agger og leggja upp mark fyrir Joe Cole. Reuters

Drogba hefur skorað 31 mark á leiktíðinni og var maðurinn á bakvið markið sem Joe Cole skoraði í fyrri leiknum á Stamford Bridge sem réði úrslitum.

,,Didier er í virkilega góðu formi og þó svo að Liverpool hafi á að skipa sterkum varnarmönnum þá er Didier svo kraftmikill að hann mun örugglega valda þeim vandræðum líkt og í fyrri leiknum og í leiknum á Anfield í deildinni í fyrra. Svo ég hef trú á að hann verði mikilvægi leikmaðurinn fyrir okkur aftur," segir Mourinho.