Henry mættur til Barcelona

Franski knattspyrnumaðurinn Thierry Henry kom til Barcelona í kvöld en á morgun gengst kappinn undir læknisskoðun að því búnu mun hann skrifa undir fjögurra ára samning við Katalóníuliðið.

Talið er Börsungar greiði Arsenal 16 milljónir punda fyrir Henry sem jafngildir tæpum 2 milljörðum íslenskra króna. Hann hefur leikið með Arsenal í átta ár og hefur skráð nafn sitt rækilega í sögubækur Lundúnarliðsins.

Henry, sem er 29 ára gamall, skoraði 226 mörk í 364 með Arsenal. Hann varð tvívegis enskur meistari með Arsenal, vann ensku bikarkeppnina í tvígang og komst í úrslit með liðinu í Meistaradeildinni í fyrra þar sem liðið tapaði fyrir Barcelona.

• 2 blogg um fréttina

Bloggað um fréttina

• Ólafur Jóhannsson: Arsene Wenger er snillingur!!!
• Kristín Dýrfjörð: Guð sé lof nú má maður dást opinberlega