Beckham ekki með LA Galaxy á morgun

David Beckham hefur enn ekki fengið sig góðan af ökklameiðslum og verður ekki með liði sínu, LA Galaxy, á morgun þegar það mætir FC Dallas. Beckham hefur hvorki æft né leikið með liðinu frá því hann spilaði sinn fyrsta leik gegn Chelsea fyrr í mánuðinum en þá lék hann síðustu 13 mínútur leiksins.

,,Það er orðið ljóst að hann spilar ekki gegn Dallas og það verður bara að koma í ljós síðar í vikunni hvort hann geti verið með okkur gegn Toronto á sunnudaginn," sagði talsmaður LA Galaxy við fréttavef BBC.

• 1 blogg um fréttina

Bloggað um fréttina

• Pétur Björn Jónsson: Dammit