Nú er nýbúið að draga í riðlana átta í 32-liða úrslitum meistaradeildar Evrópu í knattspyrnu. Liðunum var skipt í fjóra styrkleikaflokka og voru ensku liðin Arsenal, Manchester United, Liverpool og Chelsea öll í fyrsta styrkleikaflokki. Fylgst var með drættinum í beinni textalýsingu hér á mbl.is
Leikir í 32-liða úrslitunum fara fram á tímabilinu frá 18. september til 12. desember.
Englandsmeistarar Manchester United eru í riðli með Roma en liðin mættust í átta liða úrslitum síðasta vetur, og Chelsea og Valencia, sem einnig mættust í átta liða úrslitunum, eru sömuleiðis saman í riðli.
Byrjað var á að draga liðin úr fyrsta styrkleikaflokki í riðla og Peter Cech, leikmaður Chelsea og markvörður ársins, sá um það.
Því næst dró Paolo Maldini, leikmaður Evrópumeistara AC Milan og varnarmaður ársins, liðin úr öðrum styrkleikaflokki í riðla.
Þá dró Clarence Seedorf, samherji Maldini og miðjumaður ársins, liðin úr þriðja styrkleikaflokki í riðla.
Besti sóknarmaður heims, Kaka sem einnig er leikmaður AC Milan, dró að lokum liðin úr fjórða styrkleikaflokki í riðla. Riðlarnir eru sem hér segir:
A-riðill: Liverpool, Porto, Marseille, Besiktas.
B-riðill: Chelsea, Valencia, Schalke, Rosenborg.
C-riðill: Real Madrid, Werder Bremen, Lazio, Olympiakos.
D-riðill: AC Milan, Benfica, Celtic, Shakhtar Donetsk.
E-riðill: Barcelona, Lyon, Stuttgart, Rangers.
F-riðill: Man. Utd., Roma, Sporting Lissabon, Dynamo Kiev.
G-riðill: Inter Mílanó, PSV Eindhoven, CSKA Moskva, Fenerbahce.
H-riðill: Arsenal, Sevilla/AEK Aþena, Steaua Búkarest, Slavia Prag.
Sevilla og AEK Aþena eiga enn eftir að spila seinni leik sinn og verður hann leikinn á mánudag. Sevilla hefur 2:0 forskot.
1. styrkleikaflokkur: AC Milan, Barcelona, Liverpool, Inter Mílanó, Arsenal, Real Madrid, Chelsea, Manchester United.
2. styrkleikaflokkur: Valencia, Lyon, Porto, Sevilla/AEK Aþena, PSV Eindhoven, Róma, Benfica, Werder Bremen.
3. styrkleikaflokkkur: Glasgow Celtic, Schalke, Stuttgart, Steua Búkarest, CSKA Moskva, Sporting Lissabon, Lazio, Marseille.
4. styrkleikaflokkur: Glasgow Rangers, Shaktar Donetsk, Besiktas, Olympiakos, Dynamo Kiev, Fenerbache, Slavia Prag, Rosenborg.