Luton Town ákært fyrir ríflega 50 atriði

Enska knattspyrnusambandið gaf í dag út ákærur í ríflega 50 liðum á hendur 2. deildarfélaginu Luton Town. Félaginu er  gefið að sök að hafa ítrekað brotið reglur um sölur leikmanna og samningagerð við þá. Eins hafa sex umboðsmenn verið ákærðir.

Auk kæra á hendur félaginu sjálfu eru fyrrum stjórnarformaður þess, Bill Tomlins, fyrrum fjármálastjóri og tveir núverandi stjórnarmenn ákærðir fyrir þeirra þátt í þessum málum.

Umboðsmennirnir sex eru Sky Andrew, Mike Berry, Mark Curtis, Stephen Denos, David Manasseh og Andrew Mills.

Luton Town féll úr ensku 1. deildinni í fyrra og er nú í 17. sæti 2. deildar. Umræddar sölur fóru fram frá júlí 2004 og þar til í febrúar 2007.

• 1 blogg um fréttina

Bloggað um fréttina

• Valsarinn: Eitthvað gruggugt í gangi hjá Luton Town?