Íþróttir | Enski boltinn | mbl | 8.3.2008 | 16:56

Rándýrt mark hjá Torres í stórsigri Liverpool

Ívar Ingimarsson. Reuters

Fernando Torres skoraði eitt mark í 3:0-sigri Liverpool gegn Newcastle í dag í ensku úrvalsdeildinni og þarf Liverpool að greiða tæplega 50 milljónir kr. fyrir markið. Ívar Ingimarsson var í byrjunarliði Reading vann gríðarlega mikilvægann 2:0-sigur gegn Manchester City. Blackburn og Fulham skildu jöfn, 1:1 þar sem að Jimmy Bullard jafnaði fyrir Fulham á lokakaflanum. Fylgst var með gangi mála í leikjunum þremur á mbl.is.

Liverpool - Newcastle 3:0

Leiknum er lokið með 3:0 sigri Liverpool.

Liverpool og Everton voru jöfn með 53 stig í 4. og 5. sæti fyrir leikinn í dag. Ef Liverpool landar sigri er liðið aðeins tveimur stigum á eftir Chelsea sem er með 58 stig í þriðja sæti deildarinnar.

52. mín 3:0 Steven Gerrard fékk frábæra sendingu frá Torres og skoraði fyrirliðinn af stuttu færi.

Fyrri hálfleik er lokið.

45. mín 2:0 Fernando Torres slapp í gegnum slaka vörn Newcastle og skoraði hann af stuttu færi. Þetta er 25. mark hans á lieiktíðinni og þurfa forráðamenn Liverpool að greiða spænska liðinu Atlético Madrid 48 milljónir kr. Í samningum um kaupin á spænska landsliðsmiðherjanum var ákvæði um að ef hann næði að skora 25 mörk á þessum vetri þyrfti Liverpool að greiða aukalega 350 þúsund pund, 48 milljónir króna, til spænska félagsins. Torres hefur skorað 19 mörk í ensku úrvalsdeildinni á þessari leiktíð.

42. mín 1:0 Pennant skorar fyrir Liverpool eftir ótrúleg mistök í vörn Newcastle. Jose Enrique skaut boltanum í Pennant við markteigshornið og boltinn fór í háum boga yfir Harper í markinu.

25. mín. Fátt markvert hefur gerst í leiknum fram til þessa. Newcastle leggur allt kapp á varnarleikinn sem hefur verið skelfilegur hjá liðinu í vetur.

Byrjunarlið Liverpool: Reina – Arbeloa, Carragher, Skrtel, Riise, Alonso, Lucas, Pennant, Gerrard, Benayoun, Torres.

Varamenn: Itandje, Hyypia, Crouch, Kuyt, Babel.

Byrjunarlið Newcastle: Harper- Beye, Faye, Taylor, Jose Enrique, Milner, Butt, N'Zogbia, Duff, Owen, Smith. Varamenn: Forster, Cacapa, Martins, Geremi, Carroll.

Reading - Manchester City 2:0

Með sigrinum fer Reading upp fyrir Newcastle á stigatöflunni en liðin væru samt sem áður bæði með 28 stig. Bolton er í þriðja neðsta sæti og þar með fallsæti með 25 stig. Þetta er annar sigur Reading í röð eftir að hafa tapað 8 leikjum í röð.

86. mín 2:0 Kitson brunar í gegnum vörn Man City og skorar af stuttu færi. Þetta er 9. mark hans á leiktíðinni og er líklegt að þetta mark dugi Reading til sigurs.

62. mín 1:0 Shane Long skorar fyrir Reading en það var Kevin Doyle sem lagði upp markið.

Fyrri hálfleik er lokið.

25. mín: Richard Dunne, varnarmaðurinn sterki í liði Manchester City, meiddist illa og þarf hann að fara af velli. Kínverjinn Sun Jihai kemur inn í vörnina í hans stað.

Byrjunarlið Reading: Hahnemann – Rosenior, Bikey, Ívar Ingimarsson, Shorey, Oster, Harper, Matejovsky, Hunt, Doyle, Long. Varamenn: Federici, Cisse, Sonko, Kitson, Kebe.

Byrjunarlið Manchester City: Hart – Garrido, Corluka, Dunne, Ball, Hamann, Gelson, Vassell, Elano, Johnson, Benjani. Varamenn: Schmeichel, Ireland, Jihai, Caicedo, Castillo.

Blackburn - Fulham 1:1

88. mín 1:1 Jimmy Bullard jafnar fyrir Fulham og þetta mark gæti reynst dýrmætt fyrir Lundúnarliðið. Bullard skoraði með skoti úr aukaspyrnu en þetta er annað mark hans á tímabilinu.

Staða Fulham í botnbaráttunni versnar eins og staðan er þessa stundina. Fulham er í næst neðsta sæti með 19 stig en Bolton er í þriðja neðsta sæti með 25 stig.

58. mín 1:0 Norðmaðurinn Morten Gamst Pedersen kemur Blackburn yfir.

Fyrri hálfleik er lokið.

Byrjunarlið Blackburn: Friedel – Ooijer, Samba, Khizanishvili, Warnock, Bentley, Reid, Kerimoglu, Pedersen, Santa Cruz, McCarthy. Varamenn: Brown, Mokoena, Dunn, Derbyshire, Roberts.

Byrjunarlið Fulham: Keller - Stalteri, Hughes, Hangeland, Konchesky, Dempsey, Bullard, Andreasen, Murphy, Davies, Johnson. Varamenn: Niemi, Volz, Bocanegra, Healy, McBride.