Chelsea mistókst að komast á toppinn
Setja bókamerki
Chelsea og West Ham mætast á Stamford Bridge í síðasta leik 17. umferðar í ensku úrvalsdeildinni. Með sigri kemst Chelsea í toppsæti deildarinnar en West Ham er í 16. sæti og þarf nauðsynlega á stigum að halda í botnbaráttunni. Fylgst verður með leiknum í beinni textalýsingu hér á mbl.is.
Chelsea mistókst að komast í efsta sæti í ensku úrvalsdeildinni en Chelsea og West Ham skildu jöfn, 1:1, í lokaleik 17. umferðar á Stamford Bridge. Þar með gerðu öll fjögur efstu liðin fyrir umferðina jafntefli í leikjum sínum.
Craig Bellamy kom West Ham yfir á 33. mínútu en Nicolas Anelka jafnaði metin fyrir Chelsea á 51. mínútu með sínum 16. marki og þar við sat. Leikurinn var fjörugur og í seinni hálfleik gerðu liðsmenn Chelsea oft harða hríð að marki gestanna en Robert Green var í stuði á milli stanganna.
West Ham fékk sín færi og Carlton Cole, fyrrum leikmaður Chelsea, fékk dauðafæri rétt fyrir leikslok en Petr Cech sá við honum og varði skot hans.
Liverpool er í efsta sæti deildarinnar með 38 stig, Chelsea 37, Manchester United 32, Aston Villa 31 og Arsenal 30. West Ham er er í 14.-16. sæti með 19 stig.
Chelsea - West Ham bein lýsing
Tapa fimm milljónum á dag
Myndir: Reynir við heimsmet í Hlíðarfjalli í dag
Verðbólgan komin niður í 6%
Bifreið ekið á skrifstofu Útlendingastofnunar
Vona að Orkustofnun veiti ekki virkjunarleyfi
Fara ekki lengur fram á einangrun yfir Davíð
Moses Hightower og Prins Póló gefa út eyjalag