Man.Utd með fimm stiga forystu
Setja bókamerki
Manchester United átti ekki í vandræðum í kvöld þegar liðið tók á móti Fulham í ensku úrvalsdeildinni í knattspyrnu. Lokatölur urðu 3:0 og þar með náðu meistararnir fimm stiga forystu í deildinni, auk þess sem þeir héldu marki sínu hreinu í 14. deildaleiknum í röð.
Manchester United er nú komið með 59 stig en Liverpool er í öðru sæti deildarinnar með 54 stig. Fulham er áfram í 10. sætinu með 30 stig.
Nákvæma lýsingu á gangi mála má nálgast hér.
Paul Scholes skoraði fyrsta mark United á 12. mínútu með föstu skoti utan teigs, það var hálfvarið en boltinn lak inn fyrir línuna.
Dimitar Berbatov kom boltanum í netið á 30. mínútu, 2:0, og það endurspeglaði gang leiksins því United hafði haft mikla yfirburði.
Wayne Rooney kom heimamönnum í 3:0 með marki á 63. mínútu en þá hafði hann verið inná í tæpar tvær mínútur. Þetta var fyrsti leikur hans í einar fimm vikur en hann hefur verið meiddur.
Vélsleðaslys: Þyrlan kölluð út á mesta forgangi
Æskuvinur Íslendings myrtur í Noregi
Skiptir miklu meira máli en fólk grunar
Hernaðaraðstoð samþykkt – Vopnasendingar í vikunni
Veiting hvalveiðileyfis ekki brot á EES-samningi
Vona að Orkustofnun veiti ekki virkjunarleyfi
„Skýr skilaboð til Seðlabankans“