WBA hafnaði tilboði Fulham í Greening
Setja bókamerki
Enska knattspyrnufélagið West Bromwich Albion hefur hafnað tilboði Fulham í fyrirliðann Jonathan Greening og segja forráðamenn WBA að tilboð úrvalsdeildarfélagsins hafi verið nánast móðgandi.
Samkvæmt Sky Sports bauð Fulham tvær milljónir punda í Greening, ásamt því að WBA mátti velja á milli þriggja leikmanna úr hópi Fulham.
„Hvað sem sagt er í fjölmiðlum, þá er þetta eina tilboðið sem við höfum fengið frá Fulham. Jonathan er fyrirliðinn okkar og mikilvægur í okkar hópi. Þess vegna veltum við tilboði Fulham ekki lengi fyrir okkur. Það var móðgandi, miðað við hæfileika hans og reynslu,"sagði Jeremy Peace, stjórnarformaður WBA, við Birmingham Mail.
Greening er þrítugur miðjumaður sem hefur leikið með WBA í fimm ár en hann lék áður með Middlesbrough, Manchester United og York City.
Mun fara sparlega með málskotsréttinn
Segjast ekki vera á kaldri slóð
29 nautgripir fundust dauðir
Færa slökkviliðið til nútímans
Hæstiréttur staðfestir vanhæfi alls Landsréttar
Sárt að horfa upp á illa meðferð fjármuna
Hyggjast leyfa fólki að skoða gosið