Ferguson: Owen á að skora 15 mörk
Setja bókamerki
Alex Ferguson, knattspyrnustjóri Manchester United, segir að það sé eðlilegt að búast við því að Michael Owen skori 15 mörk fyrir liðið á komandi keppnistímabili.
Ferguson kom á óvart í sumar þegar hann samdi við Owen, sem hefur leikið með Newcastle undanfarin ár. Owen byrjar vel því hann skoraði í tveimur fyrstu æfingaleikjunum og átti stangarskot í þeim þriðja.
„Michael er þegar búinn að skora tvö mörk og ég vona að hann eigi helling inni. Ef þið lítið á tölfræðina hans í gegnum árin, meira að segja með Newcastle á meðan liðinu gekk illa, gerði hann mark í öðrum hverjum leik. Hann getur auðveldlega náð því aftur og ef hann spilar 25 leiki fyrir mig í vetur tel ég að hann muni skora 15 mörk," sagði Ferguson við fréttamenn í Suður-Kóreu í dag.
Verðbólgan komin niður í 6%
Skemmtiferðaskip hætt komið nærri Viðey
Handtekin eftir að tvö börn fundust látin
Vona að Orkustofnun veiti ekki virkjunarleyfi
Veiting hvalveiðileyfis ekki brot á EES-samningi
Tveir í bílnum sem lenti utan vegar