Lennon og Defoe ekki með Tottenham
Setja bókamerki
Tottenham verður án tveggja sterkra sóknarmanna þegar liðið sækir Arsenal heim í stórleik ensku úrvalsdeildarinnar í knattspyrnu á morgun. Aaron Lennon hefur ekki náð sér af meiðslum sem hann hlaut gegn Stoke um síðustu helgi og markaskorarinn Jermain Defoe tekur út leikbann.
Þá er króatíski miðjumaðurinn Luka Modric enn á sjúkralistanum en þeir Ledley King og Jonathan Woodgate eru klárir í slaginn en báðir hafa átt í meiðslum og kemur víst fáum á óvart.
Tomas Rosicky, Denilson og Theo Walcott eru allir frá keppni í liði Arsenal sem og markvörðurinn Lukasz Fabianski svo líklegt er að Manuel Almunia standi á milli stanganna í fyrsta sinn frá því í september.
Norður-Lundúnaliðin eru bæði með 19 stig í 3.-4. sæti deildarinnar en viðureignin á morgun er sú 142. í röðinni í deildinni á milli þessara liða.
Skiptir miklu meira máli en fólk grunar
Vona að Orkustofnun veiti ekki virkjunarleyfi
„Okkur miðar í rétta átt“
Vélsleðaslys: Þyrlan kölluð út á mesta forgangi
Kostnaður meiri en milljón á fermetra
Veiting hvalveiðileyfis ekki brot á EES-samningi
„Hvílir mikil leynd yfir þessu öllu“