Ferdinand fékk fjögurra leikja bann
Setja bókamerki
Aganefnd enska knattspyrnusambandsins úrskurðaði í dag Rio Ferdinand, miðvörð Manchester United, í fjögurra leikja keppnisbann. Þriggja leikja bann fyrir gróft brot, og einn leik aukalega fyrir að áfrýja ákæru sambandsins, en með áfrýjuninni náði Ferdinand að spila gegn Manchester City í deildabikarnum í gærkvöld.
Bannið tekur þegar gildi og Ferdinand hefur afplánun bannsins þegar United sækir Arsenal heim í úrvalsdeildinni á sunnudag. Hann missir líka af deildaleikjum gegn Portsmouth, Aston Villa og Everton en verður gjaldgengur þegar United mætir Aston Villa í úrslitaleik deildabikarsins í lok febrúar.
Ferdinand sló Craig Fagan, leikmann Hull City, í andlitið í leik liðanna í úrvalsdeildinni á laugardaginn. Dómarinn sá ekki atvikið en það náðist á upptökum frá leiknum og Ferdinand var ákærður í framhaldi af því.
Reiknað er með að Nemanja Vidic verði klár til að leysa Ferdinand af gegn Arsenal á sunnudaginn. Hann hefur verið frá vegna meiðsla en var meðal varamanna United gegn City í gærkvöld.
Hafa samþykkt kaup fyrir um 9,2 milljarða
„Menn eru bara búnir að forgangsraða“
Mikil skjálftavirkni á landinu áhyggjuefni
„Þögnin er ærandi“
Fjárfestingin 115 milljarðar króna
Stóraukið fé til samgöngusáttmála
„Tíminn er runninn út fyrir Kristján Loftsson“