Wilshere lánaður til Bolton

Enska knattspyrnufélagið Arsenal hefur lánað miðjumanninn efnilega Jack Wilshere til úrvalsdeildarliðsins Bolton Wanderers, út þetta tímabil. Hann fer beint í leikmannahóp Bolton sem mætir Liverpool á morgun.

„Jack er hæfileikaríkur, ungur leikmaður sem hungrar í að spila og ég tel að hann eigi bjarta framtíð fyrir höndum. Hann er geysilega öflugur og mun styrkja okkar hóp," sagði Owen Coyle, knattspyrnustjóri Bolton, á vef félagsins.

Wilshere, sem varð 18 ára á nýársdag, er leikmaður með 21-árs landsliði Englands þrátt fyrir ungan aldur og hefur spilað tvo leiki með Arsenal í úrvalsdeildinni, auk fjölda bikarleikja. Hann hefur verið í röðum Arsenal frá 9 ára aldri.

• 1 blogg um fréttina

Bloggað um fréttina

• Guðmundur Júlíusson: Lánsmaður Arsenal beint í aðalið Boltun