Joe Cole til Liverpool
Setja bókamerki
Enska úrvalsdeildarfélagið Liverpool hefur gert samning til fjögurra ára við enska landsliðsmanninn Joe Cole sem leikið hefur síðustu ár með Chelsea. Þetta er staðfest á heimasíðu Liverpool.
Á heimasíðunni má lesa eftirfarandi tilkynningu.
„Liverpool FC er hæstánægt með að tilkynna að samið hefur verið við Joe Cole til fjögurra ára. Miðvallarleikmaðurinn enski hefur samið um kaup og kjör við félagið og un gangast undir læknisskoðun á næstu tveimur sólarhringum.“
Joe Cole er 28 ára gamall og uppalinn hjá West Ham. Þaðan fór hann til Chelsea árið 2003 og vann til fjölda titla áður en samningur hans rann út nú í vor.
Fleiri félög voru sögð á höttunum eftir Cole og má þar nefna Arsenal, Tottenham og Manchester United. Hann er hins vegar orðinn fyrsti leikmaðurinn til að skrifa undir hjá Liverpool eftir að Roy Hodgson tók við þar sem knattspyrnustjóri.
„Hvílir mikil leynd yfir þessu öllu“
„Á réttri leið en nokkuð í land ennþá“
Tveir í bílnum sem lenti utan vegar
Skiptir miklu meira máli en fólk grunar
„Það þarf að vinna mikinn fjölda upp“
Veiting hvalveiðileyfis ekki brot á EES-samningi
Sex hafa greinst með listeríu