Hernández skoraði í fyrsta leiknum fyrir Man. Utd (myndband)
Setja bókamerki
Manchester United vann í nótt stórsigur á úrvalsliði bandarísku MLS-deildarinnar, 5:2, en þetta var síðasti leikur United-manna í æfinga- og keppnisferðalagi þeirra um Bandaríkin.
Mörkin úr leiknun, smellið HÉR
Mexíkóinn Javier Hernández, sem kom til United frá Chivas Guadalajara í sumar, skoraði í leiknum sem var hans fyrsti leikur fyrir United. Hann kom inná sem varamaður í seinni hálfleiknum og skoraði síðasta mark United.
Sir Alex Ferguson var hæstánægður með nýja manninn.
„Varnarmenn eru alltaf hræddir við fljóta leikmenn, sem geta skotið sér aftur fyrir þá. Markið hjá Hernández er gott dæmi um þetta. Tímasetning hlaupsins og það hvernig hann kom að boltanum sýndi að hann verður varnarmönnum erfiður, það er ekki spurning,“ sagði Ferguson eftir leikinn
Annar ungur framherji, Federico Macheda, skoraði fyrstu tvö mörk United í nótt en þeir Darron Gibson og Tom Cleverley voru einnig á meðal markaskorara.
Lið Manchester United: Van der Sar, Rafael, Brown, J.Evans, Fabio (Scholes 72), Obertan (Cleverley 23), Fletcher, O'Shea, Giggs (Gibson 52), Nani (Chicharito 62), Macheda (Welbeck 62).
Tóku upp hanskann fyrir leikskólabörn
Veiting hvalveiðileyfis ekki brot á EES-samningi
„Okkur miðar í rétta átt“
Vona að Orkustofnun veiti ekki virkjunarleyfi
„Hvílir mikil leynd yfir þessu öllu“
Árshátíð ríkislögreglustjóra haldin í Tékklandi
Skemmtiferðaskip hætt komið nærri Viðey
Æskuvinur Íslendings myrtur í Noregi