Park með tvennu í stórsigri Man. Utd
Setja bókamerki
Manchester United vann í kvöld stórsigur á úrvalsliði írsku deildarinnar, 7:1, í síðasta æfingaleik sínum áður en leiktíðin hefst á Englandi með leik United og Chelsea um Samfélagsskjöldinn á sunnudag.
Þetta var fyrsti leikurinn sem fram fer á nýjum og glæsilegum leikvangi Íra, Aviva Stadium, sem tekur um 50.000 manns í sæti og verður vettvangur úrslitaleiks Evrópudeildar UEFA í vor.
Suður-Kóreumaðurinn Ji-Sung Park skoraði tvö marka United í sínum fyrsta leik með liðinu eftir sumarfrí. Michael Carrick, Nemanja Vidic og Wayne Rooney léku einnig sinn fyrsta leik eftir sumarfrí en allir fjórir voru á heimsmeistaramótinu í Suður-Afríku.
Michael Owen, Javier Hernandez, Antonio Valencia, Jonny Evans og Nani skoruðu einnig í kvöld en mark Portúgalans kom úr vítaspyrnu.
Lið Manchester United: Kuszczak (Amos 64.), Evans, Smalling, Vidic, O'Shea, Valencia, Carrick (Fletcher 37.), Gibson, Park (Nani 64.), Rooney (Hernandez 45.), Owen (Berbatov 45.).
„Það þarf að vinna mikinn fjölda upp“
„Hvílir mikil leynd yfir þessu öllu“
Tóku upp hanskann fyrir leikskólabörn
Handtekin eftir að tvö börn fundust látin
Vona að Orkustofnun veiti ekki virkjunarleyfi
„Okkur miðar í rétta átt“
„Skýr skilaboð til Seðlabankans“