Ngog með tvö í sigri Liverpool
Setja bókamerki
Liverpool vann sannfærandi sigur á Steaua frá Búkarest í Evrópudeild UEFA í knattspyrnu, 4:1, þegar liðin mættust á Anfield í Liverpool í kvöld.
Í hinum leik riðilsins gerðu Napoli og Utrecht frá Hollandi 0:0 jafntefli á Ítalíu.
Liverpool fékk heldur betur óskabyrjun því eftir aðeins 25 sekúndna leik skoraði Joe Cole fyrir enska liðið, 1:0.
Forystan hélst þó ekki lengi því Christian Tanese jafnaði fyrir Rúmenana strax á 13. mínútu.
Staðan var 1:1 í hálfleik en á 55. mínútu fékk Liverpool vítaspyrnu og úr henni skoraði David Ngog, 2:1.
Brasilíumaðurin Lucas Leiva kom síðan Liverpool í 3:1 á 81. mínútu með föstu skoti af 20 metra færi.
Það var síðan David Ngog sem var á ferðinni í uppbótartíma og skoraði sitt annað mark með hörkuskoti, 4:1.
Roy Hodgson, knattspyrnustjóri Liverpool, gerði átta breytingar á byrjunarliði sínu fyrir leikinn. Aðeins Pepe Reina markvörður, Paul Konchesky vinstri bakvörður og Maxi Rodriguez kantmaður halda stöðum sínum. Jamie Carragher, Gary Johnson og Lucas Leiva eru á bekknum en Steven Gerrard, Fernando Torres, Christian Poulsen og Martin Skrtel eru ekki í leikmannahópnum í kvöld.
Lið Liverpool: Reina, Kelly, Kyrgiakos, Agger, Konchesky, Spearing, Meireles, Maxi, Cole, Babel, Ngog.
Varamenn: Jones, Johnson, Pacheco, Lucas, Carragher, Shelvey, Eccleston
Skrítin menning í bankanum
„Ert þú þá svona latte-lepjandi hjólagaur?“
Mikil skjálftavirkni á landinu áhyggjuefni
Segja yfir 50 þúsund hermenn fallna
Sat á þaki byggingarinnar þegar eldurinn kviknaði
/frimg/1/48/52/1485260.jpg)
Ölfusárbrú opnuð aftur eftir bílslys
„Tíminn er runninn út fyrir Kristján Loftsson“
Slökkva í síðustu glæðunum á morgun