Tveir leikmenn Liverpool eru í versta liði tímabilsins sem af er í ensku úrvalsdeildinni í knattspyrnu en netmiðillinn goal.com hefur valið 11 verstu leikmennina í deildinni.
Stutt er í að tímabilið verði hálfnað í deildinni en eftir að Manchester City tapaði fyrir Everton í gær er ljóst að Manchester United situr á toppi deildarinnar nú þegar jólahátíðin gengur í garð.
Versta lið tímabilsins sem af er lítur þannig út:
Markvörður: Robert Green (West Ham)
Bakverðir: James Pearch (Newcastle), Paul Konchesky (Liverpool)
Miðverðir: Antolin Alcaraz (Wigan), Matthew Upson (West Ham).
Miðjumenn: Christian Poulsen (Liverpool), Ramires (Chelsea), Stephen Ireland (Aston Villa).
Framherjar: Mauro Boselli (Wigan), Carlton Cole (West Ham), Louis Saha (Everton).