Fjórir United menn í kapphlaupi við tímann

Wayne Rooney. Reuters

Fjórir af leikmönnum Englandsmeistara Manchester United eru í kapphlaupi við tímann að fá sig góða af meiðslum fyrir stórleikinn gegn Liveroool á morgun en liðin eigast við á Anfield í ensku bikarkeppninni.

Sir Alex Ferguson knattspyrnustjóri Manchester United sagði við fréttamenn á vikulegum fundi með þeim í morgun að hann ætlaði að gefa mönnum eins langan tíma og mögulegt væri til að fá sig góða af meiðslum en þeir Phil Jones, Patrice Evra, Wayne Rooney og Michael Carrick urðu allir fyrir meiðslum í leiknum gegn Arsenal um síðustu helgi.