Wilshere ekkert með á tímabilinu?

Jack Wilshere leikmaðurinn ungi hjá Arsenal. Reuters

Óvíst er hvort Jack Wilshere, miðjumaðurinn efnilegi, leiki nokkuð með Arsenal á leiktíðinni. Hann hefur verið frá keppni allt tímabilið vegna meiðsla í ökkla en ljós kom álagsbrot í ökklanum í sumar. Arsenal menn gerðu sér vonir um að geta teflt honum fram fljótlega en fregnir bárust að því í dag að afturkippur hafi komið í batann hjá enska landsliðsmanninum.

Wilshere hefur verið sárt saknað í Lundúnaliðinu á leiktíðinni og þá getur þetta sett strik í reikninginn varðandi þátttöku leikmannsins með Englendingum á Evrópumótinu í sumar.

,,Það varð afturkippur hjá honum en meiðslin eru til skoðunar svo ég get ekki sagt ykkur hversu lengi hann verður frá,“ sagði Arsene Wenger, stjóri Arsenal, við fréttamenn í dag.