Slæmt tap Arons og félaga

Aron Einar Gunnarsson í leik með Cardiff. www.cardiffcityfc.co.uk

Aron Einar Gunnarsson og félagar í Cardiff máttu sætta sig við 3:1-tap á heimavelli fyrir Blackpool í ensku B-deildinni í dag. Cardiff var 1:0 yfir fram að 79. mínútu.

Tapið þýðir að Cardiff er áfram í 3. sæti, stigi á eftir Southampton sem á leik til góða við Birmingham á útivelli á eftir.

Coventry, sem var án Hermanns Hreiðarssonar vegna meiðsla, tapaði 3:2 á heimavelli fyrir Ipswich þar sem sigurmarkið kom í blálokin. Coventry er á botni deildarinnar, sjö stigum frá næsta örugga sæti.