Frimpong heim með slitið krossband

Emmanuel Frimpong í leik með Wolves. Reuters

Emmanuel Frimpong leikur ekki meira með Úlfunum í ensku úrvalsdeildinni í knattspyrnu en hann er farinn aftur heim til Arsenal eftir að hafa slitið krossband í hné í leik liðsins gegn QPR á laugardaginn.

Frimpong, sem er tvítugur miðjumaður, kom til Wolves sem lánsmaður frá Arsenal um áramótin en náði aðeins að spila fimm leiki. Hann verður væntanlega frá keppni framundir næstu jól vegna meiðslanna, en þetta er í annað sinn á þremur árum sem Frimpong slítur krossband í hné.