Birmingham í 3. sætið

Chris Hughton, knattspyrnustjóri Birmingham. Reuters

Birmingham komst í kvöld upp í þriðja sæti ensku B-deildarinnar í knattspyrnu með því að leggja Portsmouth að velli, 1:0, í leik kvöldsins í deildinni.

Nathan Redmond skoraði sigurmarkið á 85. mínútu leiksins. Birmingham, sem féll úr úrvalsdeildinni í fyrra, hefur 50 stig eins og Cardiff, lið Arons Einars Gunnarssonar, en markatala Birmingham er betri. Southampton er með 52 stig í öðru sæti og á toppnum trónir West Ham með 56 stig. Portsmouth er í 17. sæti með 34 stig.