Wayne Rooney hlýðir á Fabio Capello ásamt John Terry og Frank Lampard. Reuters

Wayne Rooney, framherji Manchester United, kveðst afar vonsvikinn yfir því að missa Fabio Capello úr starfi landsliðsþjálfara Englands en vill fá Harry Redknapp, knattspyrnustjóra Tottenham, í staðinn.

„Ég er afar vonsvikinn yfir því að Capello sé hættur. Fínn náungi og frábær þjálfari. Við verðum að fá Englending í staðinn. Ég mæli með Redknapp," sagði Rooney á Twitter í kvöld.

Redknapp virðist vera á flestra vörum í kvöld en Hollendingurinn Guus Hiddink hefur einnig verið nefndur til sögunnar.