Heiðar ekki með gegn Blackburn

Heiðar Helguson. Reuters

Heiðar Helguson verður ekki með QPR á laugardaginn þegar liðið sækir Blackburn Rovers heim í miklum fallbaráttuslag í ensku úrvalsdeildinni í knattspyrnu.

Heiðar hefur ekki jafnað sig af meiðslum sem hann varð fyrir í leiknum við Chelsea í lok janúar. Þá fór hann af velli og var síðan ekki með gegn Aston Villa og Wolves í úrvalsdeildinni.

Mark Hughes knattspyrnustjóri QPR skýrði frá þessu á fréttamannafundi sem nú stendur yfir. Auk Heiðars eru DJ Campbell og Luke Young meiddir og Djibril Cissé er í leikbanni.