Terry ekki með um helgina

Andre-Villas Boas og John Terry. Reuters

John Terry fyrirliði Chelsea kemur til með að missa af leiknum gegn Everton um helgina en miðvörðurinn öflugi hefur ekkert leikið frá því í bikarleiknum gegn QPR í lok janúar. Hnémeiðsli eru að angra Terry.

Andre Villas-Boas knattspyrnustjóri Chelsea tjáði fréttamönnum í dag að Terry væri frá keppni vegna meiðsla en ekki út af þeirri ringulreið sem hefur verið í gangi eftir að tilkynnt var í síðustu viku að réttarhöldunum yfir honum hefði verið frestað og fyrirliðastaðan tekin af honum hjá enska landsliðinu.