Klinsmann spenntur fyrir Tottenham

Jürgen Klinsmann. Reuters

Þjóðverjinn Jürgen Klinsmann segist vera áhugasamur um að taka við starfi Harrys Redknapps sem knattspyrnustjóri Tottenham að því er haft er eftir honum í enska blaðinu Sunday Mirror í dag.

Talið er víst að Redknapp taki við þjálfun enska landsliðsins af Fabio Capello en muni stýra Tottenham-liðinu út tímabilið.

Klinsmann er þjálfari bandaríska landsliðsins en hann lék á árum áður með Tottenham liðinu og er enn í guðatölu hjá fjölmörgum stuðningsmönnum Tottenham. Klinsmann gerði góða hluti með þýska landsliðinu en undir hans stjórn varð liðið í þriðja sæti á HM í Þýskalandi árið 2006 en í fyrra tók hann við þjálfun bandaríska landsliðsins. Í millitíðinni var hann þjálfari Bayern München.