Dunne frá keppni næstu vikurnar

Richard Dunne liggur í valnum á Villa Park í gær. Reuters

Richard Dunne miðvörðurinn reyndi hjá Aston Villa verður frá keppni næstu vikurnar en hann varð fyrir meiðslum á öxl í leiknum gegn Manchester City á Villa Park í gær.

Dunne hlaut slæma byltu í vítateig Manchester City og þurfti að fara sárþjáður af velli. „Ég býst ekki við því að hann spili með okkur næsta mánuðinn,“ sagði Alex McLeish knattspyrnustjóri Villa sem er ekki vinsæll hjá stuðningsmönnum félagsins en liðið lék sinn sjöunda heimaleik í röð án sigurs.