Erfitt fyrir Grétar og félaga

Grétar Rafn Steinsson. Reuters

Grétar Rafn Steinsson og félagar í Bolton fengu erfiðasta mögulega verkefnið í 8-liða úrslitum ensku bikarkeppninnar í knattspyrnu, það er að segja ef Tottenham ber sigurorð af Stevenage í síðari leik liðanna.

Dregið var  til átta liða úrslitanna rétt í þessu og það verður hlutskipti Grétars og félaga að heimsækja sigurliðið úr viðureign Tottenham og Stevenage. Annars lítur drátturinn þannig út:

Liverpool eða Brighton - Stoke City
Everton - Sunderland
Chelsea eða Birmingham - Leicester
Stevenage eða Tottenham - Bolton

Leikið er 17. og 18. mars.