Wolves með Poyet í sigtinu

Gustavo Poyet stjóri Brighton. Reuters

Wolves hefur óskað eftir því við Brighton að fá að ræða við knattspyrnustjórann Gus Poyet en Úlfarnir leita að eftirmanni Micks McCarthys sem var rekinn frá störfum í síðustu viku. Sky Sports greindi frá þessu í kvöld.

Poyet hefur verið við stjórnvölinn hjá Brighton síðan í nóvember 2009 og undir hans stjórn vann liðið sér sæti í ensku B-deildinni. Brighton er sem stendur í 9. sæti deildarinnar en liðið féll úr leik í ensku bikarkeppninni í gær eftir 6:1-tap á móti Liverpool á Anfield.