Gylfi fékk 8 í einkunn hjá Sky Sports

Gylfi Þór og Gareth Bale fagna á White Hart Lane í kvöld. AFP

Gylfi Þór Sigurðsson fékk góða dóma fyrir frammistöðu sína með Tottenham í 3:0 sigri liðsins á Inter Mílanó en liðin áttust við í fyrri viðureign félaganna í 16-liða úrslitum Evrópudeildar UEFA í knattspyrnu á White Hart Lane í kvöld.

Gylfi, sem skoraði eitt mark og lagði upp annað fyrir Gareth Bale, fékk 8 í einkunn hjá Sky Sports og var efstur í einkunnargjöf sjónvarpsstöðvarinnar ásamt Gareth Bale og Jan Vertonghen.

Gylfi fékk 7 í einkunn hjá vefsíðunni goal.com en varnarmaðurinn Jan Vertonghen, sem skoraði þriðja mark Tottenham, fékk hæstu einkunn leikmanna Tottenham-liðsins eða 8.