Suárez finnst þriggja leikja bann næg refsing
Suárez skömmu eftir að hann beit Ivanovic.
AFP
Setja bókamerki
/frimg/6/61/661980.jpg)
Luis Suárez, framherji Liverpool, viðurkennir að hann hafi gerst sekur um hættulegt athæfi í svari sínu við kæru enska knattspyrnusambandsins í dag en honum finnst þriggja leikja bann aftur á móti næg refsing.
Suárez beit Branislav Ivanovic, varnarmann Chelsea, í leik liðanna á sunnudaginn og var í gær kærður af knattspyrnusambandinu enska fyrir það.
Enska sambandið vill meina að þriggja leikja bann, sem vanalega er gefið fyrir bein rauð spjöld eða hættuleg atvik sem sjást á sjónvarpsmyndavélum eftir leiki, dugi ekki í þessu tilviki en Úrúgvæinn er því ekki sammála.
Á heimasíðu FA segir: „Suárez hafnar þeim orðum knattspyrnusambandsins að hið vanalega þriggja leikja bann dugi ekki í þessu tilviki.“
Aganefndin fer yfir mál Suárezar á morgun.
„Það er skiljanlegt að þolinmæði þeirra sé lítil“
Mikil skjálftavirkni á landinu áhyggjuefni
Þrjú og hálft ár fyrir skotárás í Úlfarsárdal
Hjón sluppu með skrekkinn
Innviðir þandir og álagið „gríðarlegt“
Markaðurinn hitnar og leiguverð hækkar hratt
Segir óábyrgt að skipta út öllu bankaráðinu