Jermain Defoe samdi sem kunnugt er við lið Toronto í MLS deildinni. Defoe fékk höfðinglegar móttökur frá stuðningsmönnum liðsins en þeir sungu og trölluðu á blaðamannafundinum þar sem Defoe var kynntur.
Gríðarlegur áhugi er meðal borgarbúa á liði Toronto síðan Defoe samdi við liðið. Ársmiðasala hefur tekið gríðarlegan kipp og treyjur með nafni Defoe seljast eins og heitar lummur.
Blaðamannafundur Toronto liðsins fór fram á bar í Toronto og það var því kannski viðbúið að fjörið væri mikið.