Fimmti sigur Everton í röð

Everton vann í dag sinn fimmta sigur í röð í ensku úrvalsdeildinni þegar liðið lagði botnlið Fulham, 3:1, á Craven Cottage í Lundúnum.

David Stockdale, markvörður Fulham, varð fyrir því að skora sjálfsmark og koma Everton yfir en Íraninn Ashkan Dejagah jafnaði metin fyrir heimamenn. Það voru síðan varamennirnir Kevin Mirallas og Kevin Mirallas sem tryggðu Everton sigurinn með tveimur mörkum á síðustu 12 mínútum leiksins.

Everton er í fimmta sæti deildarinnar með 60 stig, er þremur stigum á eftir Arsenal og á leik til góða. Fulham situr sem fyrr á botninum með 24 stig.

• Blogga um frétt