Frægðarsól framherjans Bebé náði aldrei að skína hjá Manchester United, en hann hefur nú verið seldur til Benfica í heimalandinu og samið við liðið til fjögurra ára.
Bebé kom til United frá Guimaraes fyrir fjórum árum á 7,4 milljónir punda sem margir voru hissa yfir og með réttu, því Sir Alex Ferguson sem fékk hann til liðsins hafði aldrei séð hann spila.
Bebé byrjaði ekki leik í ensku úrvalsdeildinni, kom tvisvar inn af bekknum og tók þátt í þremur bikarleikjum og einum leik í Meistaradeildinni. Hann var síðan lánaður hingað og þangað en er nú endanlega farinn frá félaginu.