Argentínski miðvörðurinn Marcos Rojo skrifaði í dag undir fimm ára samning við Manchester United. Rojo kemur til United frá Sporting Lissabon í Portúgal, sama dag og Sporting fékk Portúgalann Nani á láni frá United.
Rojo er 24 ára og hefur leikið með Sporting frá 2012. Var áður eina leiktíð hjá Spartak Moskvu í Rússlandi og þar á undan hjá Estudiantes í Argentínu.
Hann á að baki 28 landsleiki fyrir Argentínu og hefur skorað eitt mark.