Knattspyrnustjórinn Malky Mackay hefur stigið fram og segist ekki vera rasisti, karlremba eða líki illa við samkynhneigða, en eins og mbl.is greindi frá átti hann í samskiptum við Ian Moody, fyrrum yfirmann knattspyrnumála hjá Crystal Palace, þar sem þeir skiptust á ljótum skilaboðum.
Mackay var síðast stjóri Cardiff í ensku úrvalsdeildinni en var látinn fara á miðju tímabili í fyrra. Hann hefur nú stigið fram og beðist afsökunar á gjörðum sínum, en hann segir skilaboðin þeirra á milli bara hafa verið orðuð í gríni.
„Þetta er óásættanleg framkoma og mjög óviðeigandi. Fyrir það biðst ég innilegrar afsökunar,“ sagði Mackay, en Moody sagði starfi sínu lausu eftir að upp komst um skilaboðin.