Norðmaðurinn Ole Gunnar Solskjær er hættur störfum sem knattspyrnustjóri Cardiff City en með liðinu leikur landsliðsfyrirliðinn Aron Einar Gunnarsson.
Félagið staðfesti þetta nú í hádeginu. Solkjær tók við stjórastarfinu fyrir níu mánuðum af Malky Mackay en undir hans Norðmannsins féll liðið úr ensku úrvalsdeildinni í vor og hefur byrjað leiktíðina illa í ensku B-deildinni. Cardiff er sem stendur í 17. sæti deildarinnar en liðið hefur tapað þremur af sjö leikjum sínum.
Paul Hartley knattspyrnustjóri skoska úrvalsdeildarliðsins Dundee er sterklega orðaður við stjórastöðuna hjá Cardiff.