Nýi Frakkinn kom Tottenham áfram

Benjamin Stambouli sækir að marki Partizan í leiknum í kvöld.
Benjamin Stambouli sækir að marki Partizan í leiknum í kvöld. AFP

Tottenham tryggði sér í kvöld sæti í 32ja liða úrslitum Evrópudeildar UEFA í knattspyrnu með sigri á Partizan Belgrad frá Serbíu, 1:0, á White Hart Lane í London.

Benjamin Stambouli, franskur varnartengiliður sem hefur aðeins spilað einn úrvalsdeildarleik með Tottenham, skoraði sigurmarkið á 49. mínútu. Stambouli er 24 ára gamall og kom til enska liðsins frá Montpellier í lok ágúst.

Tottenham er með 11 stig, Besiktas 9, Asteras Tripolis 5 og Partizan Belgrad 1 stig. Tottenham og Besiktas eru þar með bæði komin áfram og mætast í Istanbúl í lokaumferðinni.

Talsverðar tafir urðu á leiknum í kvöld en hann var stöðvaður um tíma eftir að stuðningsmenn Partizan höfðu í þrígang hlaupið inná  völlinn í fyrri hálfleiknum.

mbl.is
Fleira áhugavert
Fleira áhugavert