Liverpool og Arsenal gerðu 2:2 í ensku úrvalsdeildinni í dag en þar var dramatíkin mikil í uppbótartíma. Sunderland vann 1:0 útisigur í grannslagnum gegn Newcastle.
Staðan á Anfield var einnig jöfn að loknum fyrri hálfleik. Coutinho skoraði með skoti í stöngina og inn á 45. mínútu en Debuchy jafnaði með skalla áður en flautað var til leikhlés.
Oliver Giroud kom Arsenal yfir í síðari hálfleik en Martin Skrtel jafnaði með skalla eftir hornspyrnu þegar um sex mínútur voru liðnar af níu mínútna uppbótartíma.
Arsenal er í 6. sæti deildarinnar en Liverpool er í 10. sæti.
Adam Johnson skoraði eina markið í Newcastle og sigurmark hans kom einnig í uppbótartíma. Newcastle er í 9. sæti en Sunderland í 14. sæti.
Nánar er hægt að lesa um leikina í ENSKI BOLTINN Í BEINNI hér á mbl.is
Úrslit dagsins:
Newcastle - Sunderland 0:1
Liverpool - Arsenal 2:2