Stórkostlegt mark Gylfa (myndband)

Gylfi Þór Sigurðsson skoraði glæsimark.
Gylfi Þór Sigurðsson skoraði glæsimark. AFP

Gylfi Þór Sigurðsson landsliðsmaður í knattspyrnu skoraði rétt í þessu stórglæsilegt mark fyrir Swansea City og kom liðinu yfir gegn Aston Villa, 1:0, í ensku úrvalsdeildinni.

Gylfi tók aukaspyrnu rétt utan vítateigs á 13. mínútu, nokkuð til vinstri, og þrumaði  boltanum beint í markvinkilinn fjær, algjörlega óverjandi fyrir Brad Guzan í marki Aston Villa.

Þetta er þriðja mark Gylfa í deildinni á þessu keppnistímabili en hann skoraði áður gegn Manchester United og Arsenal.

mbl.is
Fleira áhugavert
Fleira áhugavert