Mile Jedinak fyrirliði Crystal Palace og ástralska landsliðsins í knattspyrnu á yfir höfði sér fjögurra leikja bann fyrir að gefa leikmanni West Ham olnbogaskot í viðureign Lundúnaliðanna í ensku úrvalsdeildinni í gær.
Diafra Sakho varð fyrir olnbogaskotinu. Dómarinn Mike Dean sá ekki atvikið en líklegt er að aganefnd enska knattspyrnusambandsins skoði upptöku af leiknum og úrskurði Jedinak í fjögurra leikja bann en fyrr á leiktíðinni fékk Ástralinn að líta rauða spjaldið.