Welbeck er markahæstur

Danny Welbeck framherji Arsenal og enska landsliðsins er markahæsti leikmaðurinn í undankeppni Evrópumótsins í knattspyrnu.

Welbeck, sem skoraði eitt mark í 4:0 sigri Englendinga gegn Litháum á föstudagskvöldið, hefur skorað 6 mörk í fimm leikjum Englendinga en þeir hafa unnið alla sína leiki í undankeppninni.

Þessir eru markahæstir:

6 - Danny Welbeck, Englandi
5 - Omer Damari, Ísrael
5 - Kyle Lafferty, N-Írlandi
5 - Thomas Müller, Þýskalandi

Gylfi Þór Sigurðsson kemur svo skammt undan en hann hefur skorað 4 mörk í fyrstu fimm leikjum Íslendinga í keppninni.

• Blogga um frétt