Stuðningsmenn Liverpool og Arsenal (og allir aðrir raunar) geta nú fylgst ennþá betur með viðureign liðanna á laugardag.
Samkvæmt frétt The Daily Mail munu þeir sem eiga snjallsíma að geta horft og hlustað á liðsræður fyrirliðanna, þeirra Jordans Henderson og Per Mertesacker í gegnum nýja tækni.
Appið sem stuðningsmenn geta náð sér í heitir Periscope og var kynnt í síðustu viku en það gerir hverjum sem er með appið kleyft að geta hafið beina sjónvarpsútsendingu úr símanum.
Liðin tóku ekkert allt of vel í hugmyndina fyrst en forráðamenn ensku úrvalsdeildarinnar hafa fullvissað félögin um það að þetta muni ekki hafa nein áhrif á leikinn sjálfan.
Uppátækið á að vera sniðug auglýsing fyrir deildina til að laða að áhorfendur frá Bandaríkjunum og Asíu og gangi það vel mun það komið til með að vera.
Nokkrar reglur varðandi ræðuna:
- Aðeins fyrirliðinn mun tala
- Hvor liðsræða verður tekin upp af aðstoðardómara leiksins
- Engin taktík mun bera á góma í ræðunni
- Hvor ræða verður að hámarki tvær mínútur
- Báðir leikmenn hafa samþykkt að blóta ekki á meðan útsendingu stendur