Brendan Rodgers varð í gær fyrsti knattspyrnustjóri Liveropol frá sjöunda áratugnum til þess að stýra liðinu án þess að vinna titil á fyrstu þremur árum sínum við stjórnvölinn.
Hann tók við liðinu sumarið 2012 og hefur frá því keypt 22 leikmenn fyrir heilar 216 milljónir punda.
Manchester City og United hafa bæði hafa eytt meira í leikmenn en Rodgers og sömuleiðis Chelsea.
En hverjir eru þessir leikmenn sem Rodgers hefur keypt og hvernig hefur þeim gengið í búningi rauða hersins? Við skulum líta á umfjöllun enska blaðsins The Daily Mail um málið.
Fabio Borini, Roma, 10,5 milljónir punda
Sendur í lán til Sunderland alla síðustu leiktíð og hefur aðeins skorað eitt mark á þessari leiktíð fyrir félagið. Verið í litlu hlutverki.
Slök kaup.
Joe Allen, Swansea, 15 milljónir punda
Ein fyrstu kaup Rodgers. Fékk hann frá sínu gamla félagi, Swansea. Þessi litli miðjumaður hefur ekki verið neitt frábært en hefur þó staðið fyrir sínu á og fína spretti á tímabilinu sem er að líða.
Góð kaup.
Oussama Assaidi, Heerenveen, 2,4 milljónir punda
Náði ekki að spila byrjunarliðsleik fyrir Liverpool og fór tvisvar á láni ti lStoke áður en hann var sendur til Al Ahli í janúar.
Slök kaup.
Samed Yesil, Bayer Leverkusen, 1 milljón punda
Er enn aðeins tvítugur að aldri og gæti orðið góður leikmaður í náinni framtíð, sér í lagi ef hann getur sýnt svipaða frammistöðu með aðalliðnu og U21 árs liðinu. Hefur aðeins fengið tvö tækifæri með liðinu, báðar innkomur í deildarbikarnum.
Slök kaup.
Daniel Sturridge, Chelsea, £12m
Skoraði 11 mörk í 16 leikjum eftir að hann var keyptur og átti frábæra leiktíð með Liverpool í fyrra. Hefur verið mikið meiddur í ár.
Góð kaup.
Philippe Coutinho, Inter Milan, 8,5 milljónir punda.
Einn besti leikmaður ensku úrvalsdeildarinnar í dag.
Góð kaup.
Luis Alberto, Sevilla, 6,8 milljónir punda.
Þessi 22 ára gamli leikmaðu er á láni hjá Málaga á Spáni og komst ekki í aðallið Liverpool. Byrjaði ekki einn einasta leik hjá aðalliðinu.
Slök kaup.
Iago Aspas, Celta Vigo, 7,2 milljónir punda.
Er nú í láni hjá Sevilla. Hefur ekki mikið getað í rauða búningum og hefur aðeins skorað eitt mark fyrir liðið í bikarleik.
Slök kaup.
Simon Mignolet, Sunderland, 9 milljónir punda.
Hefur átt misjöfnu gengi að fagna en er einn besti markvörður úrvalsdeildarinnar þegar hann er í stuði.
Góð kaup.
Joao Teixeira, Sporting Lisbon, 800 þúsund pund.
Þessi 22 ára gamli leikmaður hefur staðið sig vel á láni hjá Brighton og aðeins tíminn mun leiða í ljós hvort hann mun komast í aðallið Liverpool. Hefur aðeins komið við sögu sem varamaður í eitt skipti hjá félaginu.
Slök kaup.
Kolo Toure, frjáls sala
Er ekki besti miðvörður í heimi eða í deildinni en á engan hátt með verri kaupum.
Góð kaup.
Mamadou Sakho, Paris Saint-Germain, 18 milljónir punda
Getur verið ógnarsterkur varnarmaður en gerir of mörg mistök til að réttlæta 18 milljón punda verðmiðann.
Slök kaup.
Tiago Ilori, Sporting Lisbon, 7 milljónir punda
Á enn eftir að spila fyrir Liverpool. Þessi varnarmaður hefur fengið örfá tækifæri á láni hjá Granada á Spáni og er nú í Bordeux í Frakklandi. Er aðeins 22 ára gamall samt.
Slök kaup.
Kevin Stewart, Tottenham, frjáls sala
Er á láni hjá Burton, gæti gengið hjá honum þegar tíminn líður.
(slök kaup að mati Daily Mail)
Rickie Lambert, Southampton, 4 milljónir punda
Kom í félagið sem varamaður en meiðsli hjá Sturridge og slök frammistaða hjá Balotelli ýtti honum í sviðsljósið. Hefur verið slakur.
Slök kaup.
Adam Lallana, Southampton, 25 milljónir punda
Á eftir að sýna að hann sé 25 milljóna punda virði. Hefur átt nokkrar góðar frammistöður á tímabilinu en verið fjarri því formi sem hann var í hjá Southampton.
Slök kaup.
Emre Can, Bayer Leverkusen, 10 milljónir punda
Hefur staðið sig vel sem miðvörður í þriggja manna vörn. Spilar af miklum þroska og yfirvegun.
Góð kaup.
Lazar Markovic, Benfica, 20 milljónir punda.
Serbinn hefur verið frábær oft og tíðum en ekki náð að sýna góða frammistöðu reglulega. Fyrir 20 milljónir búast stuðningsmenn við miklu meira frá honum.
Slök kaup.
Dejan Lovren, Southampton, 20 milljónir punda
Annar fyrrum Southampton maður sem spilaði vel með liðinu en hefur ekki náð að fylgja þeim eftir hjá Liverpool. Hefur gert þau ansi mörg mistökin frá því að hann kom.
Slök kaup.
Divock Origi, Lille, 10 milljónir punda.
Er á láni hjá Lille. Hefur spilað vel þar og takist honum sýna sömu frammistöðu hafa Liverpool-menn í honum sterkan framherja.
(slök kaup að mati Daily Mail)
Alberto Moreno, Sevilla, 12 milljónir punda
Hefur spilað marga leiki fyrir Liverpool í bakverðinum, er sterkur, snöggur og beinskeyttur í sínum aðgerður og ekkert svo slæmur í vörn.
Góð kaup
Mario Balotelli, AC Milan, 16 milljónir punda
Vandræði hans utan vallar, eitt mark í deild og þrjú í öðrum keppnum. Þessi umdeildi Ítali hefur ekki átt gott tímabil. Rodgers þurfti nafn eins og Luis Suárez var í fyrra en Balotelli hefur engan vegin verið nálægt því.
Slök kaup.