Kólumbíski framherjinn Radamel Falcao mun halda aftur til Mónakó eftir tímabilið en hann hefur fengið þau skilaboð frá Manchester United að hann verði ekki lengur í herbúðum félagsins.
United fékk Falcao að láni en átti forkaupsrétt á leikmanninum. Louis van Gaal, stjóri United, hefur ákveðið að semja ekki við framherjann sem hefur engan veginn staðið undir væntingum en verðmiðinn á Kólumbíumanninum er 43,2 miljónir punda sem jafngildir tæplega níu milljörðum íslenska króna.
Falcao hefur komið við sögu í 26 leikjum með United í ensku úrvalsdeildinni á tímabilinu og hefur í þeim skorað fjögur mörk.